فاس.. خلاف بسيط على موقف دراجة ينتهي بجريمة تحت درج عمارة

تحوّل خلاف عادي على ركن دراجة نارية تحت دروج ديال عمارة بالحي الجديد فبنسودة بفاس، لجريمة مأساوية هزّت الساكنة وخلفت حزن كبير.

تيلي ناظور

وحسب المعطيات اللي توصلات بها ‘تيلي ناظور ‘ ، فالضحية من مواليد 1948، رجل كبير فالسن ومقعد، دخل فمشادة عرضية مع شخص آخر بسبب موطور مركون تحت الدروج ديال العمارة.

الخلاف تطور بشكل مفاجئ، وتعرض الهالك لإصابة خطيرة تسببات ليه فنزيف حاد من الأنف، على حسب ما صرح به قريب له.

أمام خطورة الحالة، تدخلات عناصر الوقاية المدنية ونقلات الضحية على وجه السرعة لمستشفى الغساني بفاس، غير أن محاولات إنقاذه ما نفعاتش، وفارق الحياة متأثرا بالإصابة ديالو.

هاد الواقعة خلفات صدمة كبيرة وسط عائلة الفقيد، وساكنة الحي الجديد ببنسودة.

ومن جهتها، فتحت المصالح الأمنية تحقيقا فالموضوع تحت إشراف النيابة العامة المختصة، من أجل تحديد المسؤوليات والكشف على جميع ملابسات هاد الحادث الأليم.